Forsetahjónin Eliza Read og Guðni Th. Jóhannesson voru heiðursgestir og hélt hann hjartnæma ræðu og benti á að fólk vissi aldrei hvað gerðist næst í lífi þeirra. Þess vegna væri gott að hafa hjálparsamtök eins og Samhjálp ef hann myndi sjálfur lenda í vanda.
Í ár sögðu tveir einstaklingar hvernig þau náðu að verða edrú með aðstoðar Samhjálpar. Sögur þeirra snertu við fólki enda er það kraftaverki líkast þegar fólk er nær dauða en lífi vegna neyslu en nær að koma sér á edrúbrautina.
Kótilettukvöld Samhjálpar tókst vel í alla staði. Kærar þakkir til allra þeirra sem komu fram og skemmtu með tónlist, reynslusögum, ræðuhöldum og frábærri veislustjórnun og ekki síst þakkir til hótelstjóra og starfsfólks Hótel Sögu sem unnu þrekvirki. Einnig þökkum við frábærum kokkum hótelsins sem steiktu kótiletturnar. Starfsfólk og skjólstæðingar Samhjálpar sem undirbjuggu og þjónuðu á kvöldinu voru frábær. Kærar þakkir til ykkar allra.
